المكونات للعجينة
6 اكواب دقيق
2 بيض
2كوب لبن دافى
3 معالق كبيره زبده او سمنه
معلقه ونص كبيره خميره فوريه
3 معالق كبيره سكر
معلقه كبيره بيكنج بودر
معلقه كبيره ملح
طريقة العجينة
نجيب بوله كبيره تخلط الحليب مع السكر مع الخميره ونقلبهم كويس وبعدين نحط عليهم البيض والملح ونقلبهم كويس وبعدين نحط ع الدقيق معلقه البيكنج بودر وبعدين نحطهم الدقيق ع الخليط الى فى البوله ونعجنهم كويس جدااا لغايه متبقى عجينه وماسكه نفسها وبعدين نحط عليها بعد العجن 3 معالق الزبده او السمنه ونلمها كويس ونغطى البوله بكيس او الاسترتش نسبها لمده ساعه ونص لساعتين
طريقة صلصه البيتزا
نجيب طاسه نحط معلقه زيت زيتون او اى نوع زيت حلو وعليهم 4 فصوص توم مفرومين اول متحمر ننزل عليهم ب4 معالق صلصه طماطم عليها 4 معالق كبيره كاتشب ونص معلقه خل ابيض ونقلبهم وبعدين نحط عليهم ملعقه صغيره من الملح نص معلقه فلفل اسود ومعلقه توم بودره وبصل بودره ومعلقه ممسوحه من السكر ومعلقه صغيره زعتر ونقلبهم كلهم لمده دقيقتين ونرفعها من الطاسه ونحطها ع جنب ا
الحشوة
قطع فراخ وفلفل الوان وفلفل أخضر و بهارات وملح وفلفل اسود نشوحهم في معلقة زيت لحد مايستوي وهنشيلهم من علي النار
نجيب العجينه نقطغها على 4 كور كل كوره نفردها فى صينيه ونحط عليها الصلصه وعليها الحشو وزيتون والجبن الى عيزاها والموتزيرلا وندخلها الفرن من نص لتلت ساعة
😉 ممكن نغير في الحشوة براحتنا
😁 ممكن ناخد نص المقادير عشان نعمل كمية أقل
التسميات
طبخات