بان كيك بطريقة سهلة واحترافية

المقادير ⬇️

- كوبايه ونص دقيق متعدد الاستخدامات

- 2 معلقه صغيره سكر

- 2 معلقه صغيره بيكينج بودر

- معلقه صغيره بيكينج صودا (كربوباتو)

- ربع معلقه صغيره ملح

- معلقه صغيره فانيليا

- كوباية حليب دافي

- بيضتين كبار

- ربع كوباية زبده مذابه

طريقة التحضير ⬇️

- في طبق كبير هننخل الدقيق مع البيكينج بودر والبيكنج صودا والسكر والملح والفانيليا.

- نضرب البيض لحد ما ينفش وبعدين نضيف الحليب والزبده المذابه ونخفقهم كويس وبعدين نضيف خليط الدقيق ونخفقهم تاني لحد ما العجينه تبقى متماسكه ومش سايله اوي.

- نسخن طاسه تيفال على نار متوسطه وندهنها بنقطتين زيت او زبده وناخد شويه من العجينه بمغرفه صغيره وننزل بيها في نص الطاسه.

- نوطي النار خالص واول ما اللون يبقى دهبي نقلبه على الوش التاني لحد ما يحمر.

👈- ملحوظه: لازم نمسح الطاسه بفوطه نضيفه وندهنها بنقطتين زيت او زبده بين كل واحده والتانيه.

😊- بعد ما نخلص الكميه كلها ممكن نقدمه مع النوتيلا او العسل والفواكه.